கடலூர் அருகே கடலில் சிக்கிய 6 மீனவர்கள் ஹெலிகாப்டர் மூலம் மீட்பு

கடலூர்: கடலூரில் மீன்வளத் துறை அறிவிப்பையும் மீறி கடலுக்கு சென்றதால் படகு கவிழ்ந்து விபத்தில் சிக்கித் தவித்த கடலூர் தைக்கால்தோனித்துறை கிராமத்தைச் சேர்ந்த 6 மீனவர்கள் ஹெலிகாப்டர் மூலம் பத்திரமாக மீட்கப்பட்டனர்.

வானிலை ஆய்வு மையத்தின் அறிவிப்பைத் தொடர்ந்து கடலூர் மாவட்ட மீனவர்கள் மீன்பிடிக்க கடலுக்கு செல்ல வேண்டாம் என கடலூர் மாவட்ட மீன்வளத் துறை அறிவித்திருந்தது. ஆனால், மீன்வளத் துறை எச்சரிக்கையையும் மீறி தைக்கால்தோனித்துறை கிராமத்தைச் சேர்ந்த 6 மீனவர்கள் 2 இயந்திரம் பொருத்தப்பட்ட நாட்டுப் படகில் புதன்கிழமை அதிகாலையில் அவர்கள் ஏற்கெனவே கட்டிய வலையில் இருந்து மீன் எடுக்க கடலுக்குச் சென்றனர்.