ஆண்களுக்கான நவீன குடும்பநல கருத்தடை சிறப்பு முகாம்கள்

சென்னை: சென்னை மாநகராட்சி நேற்று வெளியிட்டுள்ள அறிக்கையில் கூறியிருப்பதாவது: சென்னை மாநகராட்சி சார்பில் ஆண்களுக்கான நவீன குடும்ப நல கருத்தடை சிறப்பு முகாம்கள் வரும் 28ம்தேதி முதல் டிசம்பர் 4ம்தேதி வரை 15 மருத்துவ மண்டலங்களில் உள்ள நகர்ப்புற சமுதாய நல மையங்களில் காலை 8 மணி முதல் மாலை 3 மணி வரை நடைபெற உள்ளது.

அதனால், இந்த கருத்தடை சிறப்பு முகாமில் ஆண்கள் கலந்துகொண்டு பயன்பெறுமாறு கேட்டுக் கொள்ளப்படுகிறார்கள். நவீன கருத்தடை செய்து கொள்பவருக்கு அரசு வழங்கும் ஊக்கத்தொகை ரூ.1,100 வழங்கப்படும். மேலும், அவர்களை ஊக்குவித்து அழைத்து வரும் நபருக்கு ரூ.200ம் வழங்கப்படுகிறது. இந்த அரிய வாய்ப்பை பயன்படுத்திக் கொள்ளலாம். இவ்வாறு அதில் கூறப்பட்டுள்ளது.

The post ஆண்களுக்கான நவீன குடும்பநல கருத்தடை சிறப்பு முகாம்கள் appeared first on Dinakaran.