புரோ கபடி லீக்; குஜராத் அணியை வீழ்த்தி புனேரி பால்டன் வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்நிலையில் இந்த தொடரில் இன்று இரவு 9 மணிக்கு நடைபெற்ற ஆட்டத்தில் குஜராத் ஜெயண்ட்ஸ் - புனேரி பால்டன் அணிகள் மோதின .

இந்த ஆட்டத்தில் தொடக்கம் முதல் இரு அணிகளும் சிறப்பாக விளையாடின . ஆனால் கடைசி கட்டத்தில் ஆதிக்கம் செலுத்திய புனே அணி 34-33 என்ற புள்ளிகள் கணக்கில் வெற்றி பெற்றது.