நடிகை கவுதமி தொடர்ந்த நில மோசடி வழக்கில் 4 பேருக்கு முன்ஜாமீன், தம்பதிக்கு மறுப்பு

மதுரை: நடிகை கவுதமி தொடரந்த நில மோசடி வழக்கில் கணவன், மனைவிக்கு முன்ஜாமீன் வழங்க மறுத்தும், 4 பேருக்கு முன்ஜாமீன் வழங்கியும் உயர் நீதிமன்றம் உத்தரவிட்டுள்ளது.

நிலம் வாங்கித் தருவதாக கூறி மோசடி செய்ததாக அழகப்பன் உட்பட பலர் மீது ராமநாதபுரம் குற்றப்பிரிவு காவல் நிலையத்தில் நடிகை கவுதமி புகார் அளித்தார். அந்தப் புகாரில் ‘ராமநாதபுரம் மாவட்டத்தில் நிலம் வாங்கி தருவதாக கூறி அழகப்பன் என்பவர் என்னிடம் ரூ.3 கோடி வாங்கினார். முதுகுளத்தூர் சுவாத்தான் கிராமத்தில் ரூ.57 லட்சத்திற்கு 64 ஏக்கர் நிலம் வாங்கிக் கொடுத்தார். இந்த நிலம் பிரசிங்பார்ம் என்ற நிறுவனத்துக்கு சொந்தமானது.