ஆஸ்திரேலிய விண்வெளி முகமை அதிகாரிகள் தமிழக தொழில்துறை அமைச்சருடன் சந்திப்பு

சென்னை: பெங்களூரு விண்வெளி கண்காட்சிக்கு வந்த ஆஸ்திரேலிய விண்வெளி முகமை அதிகாரிகள், தமிழக தொழில் துறை அமைச்சர் டி.ஆர்.பி.ராஜாவை சந்தித்ததுடன், ஐஐடி சென்னை, விண்வெளி தொடர்பான புத்தாக்க நிறுவனங்களையும் பார்வையிட்டனர்.

பெங்களூருவில் நடைபெற்ற விண்வெளி கண்காட்சியில் பங்கேற்பதற்காக, ஆஸ்திரேலிய அரசின் முகமையான ஆஸ்திரேலியன் விண்வெளி முகமையின் (ஏஎஸ்ஏ)தலைமை அதிகாரி என்ரிகோ பாலர்மொ தலைமையிலான குழுவினர் இந்தியா வந்தனர். கண்காட்சியை முடித்துவிட்டு அவர்கள், கடந்தசெப்.20 மற்றும் 21-ம் தேதிகளில் இஸ்ரோவின் ராக்கெட் ஏவுதளம்அமைந்துள்ள ஹரிகோட்டாவை பார்வையிட்ட பிறகு சென்னைவந்தனர். சென்னையில், விண்வெளி தொடர்பான நிறுவனங்களின் அதிகாரிகள், தமிழக அரசின் பிரதிநிதிகளையும் சந்தித்து பேசினர்.அப்போது, இந்திய விண்வெளிதுறையில் உள்ள நிறுவனங்களுடன் இணைந்து செயல்படுவது குறித்து விவாதிக்கப்பட்டது.